Қаржы полициясының академиясында Қазақстан Республикасының қаржы полициясы агенттігінің Түркия ұлттық полициясының басшылығымен кездесуі өтті. Олар мамандарды дайындау саласындағы ынтымақтастық перспективаларын талқылауға жиналды, деп хабарлады агенттіктің баспасөз қызметі.
Оған ҚР-дың Экономикалық және сыбайлас жемқорлыққа қарсы күрес агенттігі төрағасының бірінші орынбасары Андрей Лукин, ТҰП төрағасының бірінші орынбасары, ТҰП интерпол-европол департаментінің басшысы Рафет Уфук Ондер, ТҰП халықаралық ынтымақтастығы департаменті басшысының орынбасары Мухлис Надир Текин, ТҰП барлау департаментінің бөлім басшысы Хусейн Гюртекин, ТР-дың елшісінің қауіпсіздік бойынша кеңесшісі Ирфан Озджан, Академия басшысының ғылыми-зерттеу және халықаралық ынтымақтастық жұмысын ұйымдастыру бойынша орынбасары Светлана Арыстамбаева мен академияның құрылымдық бөлімшелерінің басшылары қатысты.
Шара барысында тараптар ҚР мен ТР-дың құқық қорғау органдарына мамандар даярлау саласын дамытудың негізгі аспектілерін сөз етті. Ондағы мақсат - екіжақты қауіпсіздікті күшейтіп, кәсіби ынтымақтастықты дамыту. Осы салада ақпарат алмасуда бірқатар маңызды мәселелер қарастырылды. Құқық қорғау саласында Қазақстан мен Түркия арасындағы ынтымақтастықты дамытуға ерекше көңіл бөлінді.